თქვენი ჩანთა
თქვენს კალათაში აღარ არის პროდუქტი
- სიახლეები
- 14927 ნახვა
შემოდგომა-ზამთრის სეზონის მთავარი ტენდენციები
უკვე ოქტომბერი დაიწყო, რაც იმას ნიშნავს, რომ ნამდვილი შემოდგომაც კარს მოგვადგა. ამინდის ცვლილებასთან ერთად კი, ჩვენს გარდერობსაც სჭირდება განახლება და გაცოცხლება. 2023 წლის შემოდგომა-ზამთრის სეზონი თავის თავში ბევრ ახალ და ბევრ კარგად დავიწყებულ ძველ ტრენდს გულისხმობს. ამ ბლოგში კი სწორედ ამ ტრენდებსა და მათი „სთაილინგის“ შესაძლებლობებს განვიხილავთ.
1. “Earthy Tones“
2023 წლის შემოდგომა-ზამთრის სეზონის ფერთა გამა მთლიანად ბუნებითაა შთაგონებული. შესაბამისად, ამ სეზონზე ხშირად შეგხვდებათ, ეგრეთ წოდებულ, “Earthy Tones“, რაც, ძირითადად, ბეჟ ტონებს, ყავისფერის სხვადასხვა ვარიაციებს, მწვანესა და ცისფერ ფერებს მოიაზრებს. თუ გასული, გაზაფხული-ზაფხულის სეზონზე თამამი, ნეონური ფერები ლიდერობდა, მიმდინარე სეზონი უფრო ბუნებრივ ფერებს ანიჭებს უპირატესობას, რაც, შეიძლება ითქვას, კარგი ამბავია, რადგან ასეთი ფერებით თამაში და სხვადასხვა, საინტერესო კომბინაციის შექმნა გაცილებით უფრო მარტივია, ვიდრე თამამი და კაშკაშა ფერებით.
ინსპირაციისთვის: Esprit-ის ბეჟი „თრენჩი“ და Calvin Klein-ის ყავისფერი ჩანთა ამ სეზონისთვის იდეალური კომბინაციაა. ხოლო თუ გარდერობის გაფერადება გსურთ თანაც ისე, რომ ბუნებრივი ფერთა გამა შეინარჩუნოთ, JJXX-ის მწვანე პიჯაკი და Mavi-ის ცისფერი კეპი სწორედ თქვენთვისაა.
2. “Pop of Red”
სეზონის ერთ-ერთი ყველაზე მნიშვნელოვანი ტრენდი წითელ ფერსა და მის სწორად შერჩევაში მდგომარეობს. მნიშვნელობა არ აქვს როგორ ლუქზე გააკეთებ არჩევანს, იქნება ეს მონოქრომული, ბუნებრივ ფერებში გადაწყვეტილი თუ ფერადი, წითელი დეტალის დამატება თქვენს სტილს მომენტალურად უფრო ტრენდულსა და მიმზიდველს გახდის. მთავარი ხრიკი იმაში მდგომარეობს, რომ სწორად შეარჩიოთ როგორც წითელი ფერის ტონალობა კონკრეტული ლუქისთვის, ისე ის სამოსი თუ აქსესუარი, რომელსაც ამ ფერში გამოიყენებთ.
ინსპირაციისთვის: Guess-ის ბორდსოფერი ქურთუკი და ამავე ფერის ჩანთა Tommy Hilfiger-ის კოლექციიდან, ამავე ბრენდის წითელი ჯემპრი და Perspective-ის საყურე, რომელიც წითელი დეტალით გამოირჩევა.
3. მაქსიმალურად კომფორტული
კარგი ამბავი ის არის, რომ ამ სეზონის ერთ-ერთი მთავარი ტრენდი კომფორტული სამოსია. ამიტომ, თუ არც ტრენდებს მიყვები და ცივ ამინდებში ჩაცმაზე ფიქრიც ხშირად გეზარება, ამ სეზონზე მაინც შეძლებ, რომ ტრნედულად გამოიყურებოდე. ამისთვის მხოლოდ, ეგრეთ წოდებული, „ოვერსაიზდ“ ჯემპრი, თავისუფალი სტილის ჯინსი და შენი საყვარელი, კომფორტული ფეხსაცმელი დაგჭირდება.
ინსპირაციისთვის: Lacoste-ის ნაქსოვი ჯემპრები, რომლებიც Esprit-ის ჯინსსა და უკვდავ Converse-ის ფეხსაცმელს შეგიძლია შეუხამო.
4. მასკულინური ფორმები
მასკულინური ფორმები კიდევ ერთი კარგად დავიწყებული ძველი ტრენდია. ჯერ კიდევ 80-იან წლებში დაწყებული ტენდენცია, რომელიც განიერი მხრების მქონე პიჯაკებსა და სწორი ფორმის შარვლებს გულისხმობს, ყოველთვის იყო მოდის მოყვარულთა გარდერობის ნაწილი, თუმცა ამ სეზონზე, აღნიშნული ტრენდი, კიდევ უფრო აქტუალურია.
ინსპირაციისთვის: Tommy Hilfiger-ის მასკულინური პიჯაკი და საკულტო ბრენდის, Levi’s-ის სწორი ჯინსი უფრო ურბანული ხასიათისთვის, JJXX-ის მუქი ლურჯი პიჯაკი და Lacoste-ის განიერი შარვალი შედარებით უფრო დახვეწილი სტილისთვის.
როგორც ხედავთ, 2023 წლის შემოდგომა-ზამთრის სეზონი ბევრი განსხვავებული და საინტერესო ტრენდით მოვიდა, შესაბამისად, საშუალება გეძლევათ სცადოთ ბევრი განსხვავებული სტილი თუ ხასიათი და, რაც მთავარია, გაქვთ თავისუფლება, რომ ზოგჯერ სულაც არ იფიქროთ იმაზე, თუ რა ჩაიცვათ, იპოვოთ თქვენი საყვარელი, კომფორტული სამოსი და თავი მაინც ტრენდულად იგრძნოთ.
ამიტომ, მნიშვნელობა არ აქვს როგორია თქვენი სტილი, თქვენთვის სასურველ და თანაც ტრენდულ ნივთს აუცილებლად იპოვით ონლაინ, Dressup.ge-ზე.