თქვენი ჩანთა
თქვენს კალათაში აღარ არის პროდუქტი
ამბავი 1993 წლიდან
ყველაფერი ჯინსებით დაიწყო! ნოსტალგიური განცდა და მსოფლიოს ცნობილი ბრენდები, ეს არის დამოკიდებულება, რომელიც დღემდე ქმნის სასიამოვნო გამოცდილებას. ხარისხისა და მომხმარებლებისადმი ერთგულება კი ერთგვარ წარმატების ფორმულას აყალიბებს.
პირველი ნაბიჯები 1993 - 2004
„დრესაპის“ იდეა 1993 წლიდან იღებს სათავეს, როდესაც ჯგუფის დამფუძნებელი, ალექსანდრე სამხარაძე, მეგობრებთან ერთად თურქეთში ყოფნისას, „ლივაისის“ მაღაზიას ესტუმრა. Levi’s-ის ჯინსები იმ პერიოდის საქართველოში თავისუფლებისა და ინდივიდუალიზმის სიმბოლო იყო. მაღაზიის იმდროინდელი მფლობელი წარმოშობით ლაზი აღმოჩნდა, რომელმაც ქართული იცოდა. გასაუბრების შემდეგ კი თანამშრომლობის პერსპექტივაც გამოიკვეთა. ზუსტად ასე გაჩნდა იდეა ამ ერთი შეხედვით ხელმიუწვდომელ, ამერიკულ ლურჯ მატერიას საქართველოშიც ეპოვა საკუთარი ადგილი.
იდეა მალევე იქცა რეალობად, 1994 წელს პირველი მაღაზიაც გაიხსნა ჯერ რუსთაველის და მალევე უკვე ჭავჭავაძის გამზირზე, ხალხის ინტერესი კი ნელ-ნელა იზრდებოდა. დროთა განმავლობაში Lee და Wrangler-იც შემოემატა ჯგუფს, „ნაღდი“ ბრენდები უკვე აღარ იყო ოცნება და არჩევანიც უფრო მრავალფეროვანი გახდა. ერთეულებიდან, ჯერ ათეულებამდე, შემდეგ ასეულებამდე და ათასეულობამდე ადამიანმა აღმოაჩინა რას ნიშნავდა სტილი, განსხვავებული მოდელი და რამდენად მრავალფეროვანი შეიძლებოდა ყოფილიყო ჯინსი. ასე გავიგეთ საქართველოში რას ნიშნავდა 501 და რამდენად საკულტო იყო არა მხოლოდ ჩვენთვის, არამედ მთელი მსოფლიოსთვისაც.
საზოგადოებაში გაჩენილი დიდი ინტერესისა და იმ პასუხისმგებლობის გამო, რომელიც წარმატებას სდევს თან, „დრესაპი“ არ გაჩერებულა და გამუდმებით განაგრძობდა განვითარებას.
განვითარების კვალდაკვალ 2004 - 2010
მალევე კიდევ ერთი საინტერესო იდეა გაჩნდა. „დრესაპ ჯგუფის“ მაღაზიების რაოდენობა უფრო და უფრო იზრდებოდა, იზრდებოდა ლოიალური მომხმარებლის რიცხვი და იცვლებოდა დამოკიდებულება თითოეული იმ ბრენდის მიმართ, რომელთა ხილვაც და მორგებაც შეიძლებოდა. სწორედ ასე, ნაბიჯ-ნაბიჯ, იმ გადაწყვეტილებამდეც მივედით, სხვადასხვა ცნობილი ბრენდის ტანსაცმლის, ფეხსაცმლისა თუ აქსესუარების კოლექციები ერთ სივრცეში რომ უნდა გაერთიანებულიყვნენ. როგორც დღეს ვხედავთ საკმაოდ ზუსტი გადაწყვეტილება აღმოჩნდა, რადგან მულტი-ბრენდული მაღაზიები ახლაც დიდი პოპულარობით სარგებლობს.
კომპანიისთვის, ისევე როგორც ადამიანებისთვის, თითქოს აუცილებელიც კი იყო, რომ ამ კონცეფციის მაღაზიებს თბილისს გარეთაც ეარსება. რადგანაც ზღვისპირა რეგიონიდან იგრძნობოდა „დრესაპული შოპინგის“ მოთხოვნილება, ასპარეზზე ბათუმიც გამოჩნდა, სადაც “Jeans Gallery-ის“ კონცეფციის მაღაზიები გაიხსნა.
2010 წლიდან კი სავაჭრო ცენტრ „ქარვასლაში“ იმ დროისათვის, რეგიონში გამორჩეული მასშტაბის მულტიბრენდული მაღაზია გაიხსნა. “Jeans Gallery Group”-ის მაღაზიაში უკვე კარგად ნაცნობ ბრენდების ტანსაცმლისა და ფეხსაცმლის კოლექციებთან ერთად, მნიშვნელოვანი ადგილი ჰქონდა აქსესუარებს…
განვითარების კვალდაკვალ 2004 - 2010
მრავალმხრივ განვითარებას, თან სდევდა სურვილი, კომპანია გამცდარიყო ბიზნეს-ინტერესის ჩარჩოებს. მიუხედავად იმისა, რომ შესაძლოა იმ პერიოდისთვის არამომგებიანი სვლა ყოფილიყო, დიდი იყო იმ სენტიმენტების რიცხვი, რომელიც ამ ნაბიჯის გადადგმას მიემხრობოდა . უნდა გამოჩენილიყვნენ ის ბრენდები, რომელიც ევროპულ ბაზარზე უკვე დიდი პოპულარობით სარგებლობდა. ამასთან, ერთად რაიმე ღირებულიც უნდა შეეძინა მომხმარებლისთვის. ასე გაჩნდა ჩვენს რიგებში გერმანული “FALKE”-სა და შოტლანდიური “Burlington-ის” ფერადი, კუბოკრული წინდები, რომელიც ხალისსა და ბედნიერებას სძენდა მაღაზიაში მოხვედრილ ადამიანებს. ზუსტადაც, რომ ამ ხალისსა და ბედნიერებასაა ჩაჭიდებული დღესაც „დრესაპი“, სიახლეები და ემოცია, რომელიც ყველას გვჭირდება. მიდგომა უცვლელია - სულ ცოტა ხნის წინ ხომ პრემიუმ ბრენდი, “Barbour” შემოგვიერთდა, რომელიც ბრიტანულის მოდის საუკუნოვანი მემკვიდრეობითა და შორეული სენტიმენტებითაა გაჯერებული.
Dressup-ის დაბადება! 2010-2015
ორი დეკადა, მსოფლიოს წამყვან ბრენდებთან თუ მათ წარმომადგენლებთან თანამშრომლობა, ნაცნობი და უცნობი სახელები, ათასობით ნაჭერი თუ სხვა. ქართული მოდა უკვე ეპატიჟებოდა საერთაშორისო სახელებს, მათი მასპინძლის როლს კი „დრესაპი“ სიამოვნებით ირგებდა.
ამ გამოცდილებამ, მიზნებისადმი ერთგულებამ და საქართველოს მოსახლეობის ჩაცმულობის სიყვარულმა შექმნა საჭიროება, ამ პერიოდისთვის ჯერ კიდევ „ჯინს გალერი ჯგუფის“ განვითარებას უფრო და უფრო ფართო მასშტაბი ჰქონოდა. კომპანიის პორტფოლიოში არსებული ბრენდები ქმნიდნენ დასამახსოვრებელ გამოცდილებას არა მხოლოდ ტანსაცმლის, არამედ ფეხსაცმლის მიმართაც. ამ უკანასკნელისადმი მოთხოვნა კი დროთა განმავლობაში გაიზარდა, თავად საზოგადოებისგან იგრძნობოდა სურვილი განსხვავებული რამ გამოჩენილიყო.
მულტიბრენდულ მაღაზიაზე რას იტყოდით? FActory სწორედ ასე დაიბადა. დროის გასვლასთან ერთად დაგროვდა საკმარისი ცოდნა და ურთიერთობები შექმნილიყო სპეციალიზებული, ფეხსაცმელსა და აქსესუარებზე ორიენტირებული მაღაზია. „ფექთორი“ მხოლოდ სახელი როდია. ეს იყო იდეა, რომელიც უნდა მორგებოდა ყველა ასაკის, სეგმენტის, სტილისა თუ გემოვნების ადამიანებს. ინდუსტრიული რევოლუციის შესახებ ხომ გსმენიათ? სწორედ ასეთ მინი-რევოლუციას უმიზნებდა მაღაზიაც, რომლის ინტერიერიცა და განწყობაც ამ მრავალფეროვან მოთხოვნებს აკმაყოფილებდა.
ასე გაერთიანდა ერთ სივრცეში მსოფლიოს სხვადასხვა წერტილში წარმოებული პროდუქტი, რომელიც ნებისმიერი სიტუაციისთვის გამოგადგებოდათ. FActory დღემდე ინარჩუნებს საკუთარ ხასიათს, მაღაზიაში ხომ ისეთ სახელებს შეხვდებით, როგორებიც: Levi's, Calvin Klein, Adidas, Nike, Wrangler, Vans, Tommy Jeans, Tommy Hilfiger, Birkenstock, Marco Tozzi, Greyder და სხვანი არიან.
FActory-ის შემდეგ ცალსახა გახდა, გაჩერება არ შეიძლებოდა. სწორედ ამ უკანასკნელმა დაგვანახა მომხმარებლის დამოკიდებულება და მზაობა მაღალი მიზნებისთვის. იგრძნობოდა წყურვილი ახალი ბრენდებისადმი და იმ რეალობამდეც მიგვიყვანა, რომელიც ახალ კონცეფციას, პრემიუმ კლასის ბრენდებს, დაეფუძნა. სწორედ ასე შეიქმნა Atrio-ც, რომელიც დღემდე ინარჩუნებს საკუთარ ნიშას.
მომხმარებელზე დაკვირვების შედეგად გამოვლინდა, რომ ხშირი იყო შემთხვევა, როდესაც სხვადასხვა ქვეყანაში მოგზაურობისას მაღალი მოდის წარმომადგენელ ბრენდებზე აკეთებდნენ არჩევანს, სურვილი კი მათი საქართველოში ხელმისაწვდომობა იყო. იტალიურ იდეებსა და ფეხსაცმელებს დიდი ისტორია აქვს. „დრესაპის“ ბიოგრაფია კი ინახავს ამბავს „ატრიოს“ შექმნის შესახებ. სახელწოდების იდეა სიტყვა ატრიუმიდან წამოვიდა - მაღაზიის კონცეფცია კი პროდუქციასთან ერთად, მომხმარებლისთვის იმ დროისათვის უჩვეულოდ მაღალი ხარისხის მომსახურებას მოიაზრებდა. სწორედ ამის გათვალისწინებით შეიქმნა ინტერიერიც, რომელიც თავის თავში მოსასვენებელ სივრცესაც მოიაზრებდა, ისევე როგორც სპეციალურ გასახდელ სივრცეს, რომელშიც ფეხსაცმლის „ლუქებთან“ შეხამება იყო შესაძლებელი, მეორე მხრივ კი თანამშრომლები მუდმივად სთავაზობდნენ მომხმარებლებს შესაბამის მომსახურებას თითოეული მოდელისა თუ ბრენდის გარშემო.
აღნიშნული ორივე პროექტის, Atrio-სა და FActory-ის მაღაზიების კონცეფციისა და დიზაინის შექმნაზე ქართულმა დიზაინ სტუდიამ, „რუმს-მა“ იმუშავა. ეს იყო ახალი სიტყვა ფეხსაცმლის ინდუსტრიაში, როდესაც დამოუკიდებელი და კონკრეტული დატვირთვის მატარებელი იდეები რეალობად გარდაქიმნა. თითოეული მათგანისთვის ექსკლუზიური დიზაინი შეიქმნა, რომელიც თანხვედრაში იყო სახელწოდებასთან და თემატიკასთან, რაც მოხმარებლებს კიდევ უფრო დიდ კომფორტს სთავაზობდა და ეს ტენდენცია დღემდე გრძელდება.
ასე გაერთიანდა ერთ სივრცეში მსოფლიოს სხვადასხვა წერტილში წარმოებული პროდუქტი, რომელიც ნებისმიერი სიტუაციისთვის გამოგადგებოდათ. FActory დღემდე ინარჩუნებს საკუთარ ხასიათს, მაღაზიაში ხომ ისეთ სახელებს შეხვდებით, როგორებიც: Levi's, Calvin Klein, Adidas, Nike, Wrangler, Vans, Tommy Jeans, Tommy Hilfiger, Birkenstock, Marco Tozzi, Greyder და სხვანი არიან.
FActory-ის შემდეგ ცალსახა გახდა, გაჩერება არ შეიძლებოდა. სწორედ ამ უკანასკნელმა დაგვანახა მომხმარებლის დამოკიდებულება და მზაობა მაღალი მიზნებისთვის. იგრძნობოდა წყურვილი ახალი ბრენდებისადმი და იმ რეალობამდეც მიგვიყვანა, რომელიც ახალ კონცეფციას, პრემიუმ კლასის ბრენდებს, დაეფუძნა. სწორედ ასე შეიქმნა Atrio-ც, რომელიც დღემდე ინარჩუნებს საკუთარ ნიშას.
მომხმარებელზე დაკვირვების შედეგად გამოვლინდა, რომ ხშირი იყო შემთხვევა, როდესაც სხვადასხვა ქვეყანაში მოგზაურობისას მაღალი მოდის წარმომადგენელ ბრენდებზე აკეთებდნენ არჩევანს, სურვილი კი მათი საქართველოში ხელმისაწვდომობა იყო. იტალიურ იდეებსა და ფეხსაცმელებს დიდი ისტორია აქვს. „დრესაპის“ ბიოგრაფია კი ინახავს ამბავს „ატრიოს“ შექმნის შესახებ. სახელწოდების იდეა სიტყვა ატრიუმიდან წამოვიდა - მაღაზიის კონცეფცია კი პროდუქციასთან ერთად, მომხმარებლისთვის იმ დროისათვის უჩვეულოდ მაღალი ხარისხის მომსახურებას მოიაზრებდა. სწორედ ამის გათვალისწინებით შეიქმნა ინტერიერიც, რომელიც თავის თავში მოსასვენებელ სივრცესაც მოიაზრებდა, ისევე როგორც სპეციალურ გასახდელ სივრცეს, რომელშიც ფეხსაცმლის „ლუქებთან“ შეხამება იყო შესაძლებელი, მეორე მხრივ კი თანამშრომლები მუდმივად სთავაზობდნენ მომხმარებლებს შესაბამის მომსახურებას თითოეული მოდელისა თუ ბრენდის გარშემო.
აღნიშნული ორივე პროექტის, Atrio-სა და FActory-ის მაღაზიების კონცეფციისა და დიზაინის შექმნაზე ქართულმა დიზაინ სტუდიამ, „რუმს-მა“ იმუშავა. ეს იყო ახალი სიტყვა ფეხსაცმლის ინდუსტრიაში, როდესაც დამოუკიდებელი და კონკრეტული დატვირთვის მატარებელი იდეები რეალობად გარდაქიმნა. თითოეული მათგანისთვის ექსკლუზიური დიზაინი შეიქმნა, რომელიც თანხვედრაში იყო სახელწოდებასთან და თემატიკასთან, რაც მოხმარებლებს კიდევ უფრო დიდ კომფორტს სთავაზობდა და ეს ტენდენცია დღემდე გრძელდება.
ამავე პერიოდში დაიწყო გაციფრულების ხანაც. ონლაინ-ვაჭრობა ჯერ მაინც შორეულ პერსპექტივად თუ მოგვევლინებოდა, თუმცა თავდაპირველად ონლაინ-კატალოგი შემუშავება უკვე წინ გადადგმული ნაბიჯი იყო, თანაც ასეთს საქართველოში ვერსად შეხვდებოდით, ტანსაცმელი ხომ ჩვენი ნიშა იყო. მისი საშუალებით ნებისმიერ მსურველს სახლიდან გაუსვლელად შეეძლო დაეთვალიერებინა და გამოერკვია, რომელ მაღაზიაში მოიძებნებოდა შერჩეული პროდუქცია. აღსანიშნავია, რომ ეს ფუნქცია დღემდე დიდი აქტუალობით სარგებლობს ჩვენს პლატფორმაზე.
სულ რაღაც ორ წელიწადში კი „დრესაპის“ ვებ-გვერდზე უკვე სასურველი პროდუქტის შეძენაც იყო შესაძლებელი. კომპანიის მიზანი იყო ეარსება ონლაინ-სივრცეს, რომელშიც მომხმარებელი შეძლებდა იმავე გამოცდილების მიღებას, როგორც ეს ფიზიკური „შოპინგის“ დროს ხდება. ამ ყოველივეს მოჰყვა დეტალური განახლება, მომავალში კი კიდევ უფრო დიდი როლი პანდემიამ იმუშავა. ჩვენი მიზანი ამ პერიოდში მყისიერი ნაბიჯების გადადგმა იყო, რათა მომხმარებელს შესაბამისი ხარისხის მომსახურება მიეღო. ამ პროცესების თანმხლებად მნიშვნელოვნად გაიზარდა Dressup.ge-ს გუნდი და დაფიქსირდა კადრების უპრეცედენტო მობილიზება. ამ ყოველივეს ლოგიკური პროგრესიც მოჰყვა, ელ. კომერციის დეპარტამენტი 2022-23 წლებში მნიშვნელოვნად გაფართოვდა. სწორედ ასე, ეს ერთი შეხედვით უცხო ხილი აუცილებელი გახდა საქართველოში.
მანამდე, 2014 წელი უნდა გავიხსენოთ… სწორედ ამ დროს გაჩნდა რებრენდინგის საჭიროება, „ჯინს გალერი ჯგუფი“ განახლებას საჭიროებდა. კომპანია არ იყო მხოლოდ ჯინსები, აღარ იყო მხოლოდ აქსესუარები, აღარ იყო მხოლოდ ტანსაცმელი თუ ფეხსაცმელი. ჩვენი მაღაზიები იყო საშუალება შეგეგრძნო რაღაც ახალი და ეს სიახლე შენი ნაწილი გამხდარიყო.
და ასე დაიბადა „დრესაპიც“! ახალი სახელი, ახალი ლოგო… მფრინავი D… ის ქმნიდა თავისუფლებისა და სიახლის განცდას - იდეებისა, რომლისადმი ერთგულებაც უკვე 20 წელს ითვლიდა.
გარდატეხა ქართულ მოდაში 2015-2024
„დრესაპის“ ზრდასთან ერთად განვითარდა მომხმარებლის ქცევაც, მათი მოთხოვნებიც და გარემოც, ქართული მოდის ბაზარზე. მომრავლდა სავაჭრო ცენტრები, მოლები, მონობრენდული თუ მულტიბრენდული მაღაზიები და გაჩნდა აუცილებლობა კიდევ ერთი ნაბიჯი გადადგმულიყო. აუცილებლობაზე მეტად, ეს იყო პასუხისმგებლობა ერთგულებისადმი, რომელიც ხალხისგან მოდიოდა.
Guess, Tommy Jeans, Lacoste, Gant… კიდევ ერთი სიახლეთა ტალღა. ეს სწორედ ის ბრენდები არიან, რომლებსაც მოდის მოყვარულთა გულში ადგილი დიდი ხნის წინ დაიკავეს და უცვლელად იკავებენ თავისთვისვე განკუთვნილ ადგილს. შემდეგ იყო Jack & Jones - პირველი ნაბიჯი სკანდინავიური სტილის შესაცნობად, რომელიც ხარისხისა და კომფორტის ბრენდულ განმარტებად შეგვიძლია მოვნათლოთ.
მნიშვნელოვანია ამბავიც Kid’s Gallery-ის შესახებ. აღნიშნული მაღაზია უკვე კარგად ნაცნობი ბრენდების ბავშვის კოლექციებს აერთიანებდა. მისი მთავარი მიზანი პატარებისთვის გულების გახარება და იმგვარი ჩაცმულობის შექმნა იყო, რომელიც გარდა ესთეტიკური ღირებულებისა, ბავშვების ჯანმრთელობასა და განვითარებაზე იზრუნებდა.
„დრესაპის“ პორტფელში ისეთი პრეცედენტებიც მოიძებნება, როგორებიც Etam, ქალთა თეთრეულის ბრენდი, სინაზისა და სილაღის სიმბოლო, Tommy Hilfiger და Calvin Klein, ამერიკული სტილის თავისუფლება და Hummel, სპორტული და ყოველდღიურ სტილის უზადო კომბინაციაა. აღნიშნული ბრენდები უკვე არსებობდნენ ქართულ ბაზარზე, თუმცა გარკვეული მიზეზების გამო, არსებოდა მათი რეგიონიდან გასვლის ალბათობა. რადგან არ გვსურდა მომხმარებლები მათ გარეშე დარჩენილიყვნენ, ურთიერთსასარგებლო შეთანხმებები შედგა. ჩვენი ფილოსოფია კი მუდმივი მზადყოფნაა მსგავსი შემთხვევებისთვის, შესაბამისად მუდმივად მზად ვართ ნებისმიერი, უკვე არსებული თუ ჯერ კიდევ უცხო ბრენდებისთვის „დრესაპის“ კარი ღია იყოს!
2020-იან წლებში კიდევ რამდენიმე ახალი სახელი გამოჩნდა. ასეთი იყო Samsonite, რომლის მაღაზიაში ასევე შეხვდებით ისეთ ბრენდებს, როგორებიცაა: American Tourister, Tumi, Gregory. ეს ჩანთებისა აქსესუარების პრემიუმ მაღაზიაა, რომლის ჩანთებშიც „დრესაპში“ შეძენილი პროდუქციის მოთავსება იდეალურადაა შესაძლებელი.
დრესაპის უახლესი ისტორია, კერძოდ 2024 წელი კი ჯინსის დნმ-ით გაჯერებული ბრენდის გამოჩენის შესახებაც გვინახავს ამბავს. ნიდერლანდური G-Star RAW! გადაავლეთ თვალი მათ კოლექციებს, იდეალურობამდე აყვანილ იდეებს.
საინტერესო ამბავია, 30 წლის წინ Levi’s, ჯინსები, როგორც თავისუფლების სიმბოლო, 30 წლის თავზე კი G-Star RAW, როგორც თავისუფლებიდან დაბადებული იდეების ხორცშესხმა.
ამდენი ბრენდის არსებობა კი ერთ, კოხტა და მშვენიერ იდეამდე მიდის - „გადააბი“, რომელიც მომხმარებლებს შესაძლებლობას აძლევს მზარდი ფასდაკლება მიიღოს. პირველ რიგში ეს არის მოვლენა, რომელზეც „შოპინგია“ დაფუძნებული. ახალი კოლექციები უნდა შეისწავლო, უნდა გამოცადო, უნდა შეადარო და ვუალა, შეჯერდე რომელია შენი რჩეული. მაგრამ, თუკი ფავორიტი ერთზე მეტია? „გადააბი“ სწორედაც, რომ ამ ამბებს აერთიანებს. თუკი სხვადასხვა მაღაზიაში რამდენიმე პროდუქტი თანაბრად მოგწონს, თითოეულ შენაძენზე გაზრდილი ფასდაკლების მიღება შეგიძლია. ამ შეთავაზების სლოგანიც ხომ იდეალურად ჟღერს - შეიძინე მეტი, მეტი ფასდაკლებისთვის!
ამბები, რომელიც ჯერ არ დაწერილა და ამბები, რომლებიც არასდროს წაიშლება 1994 - ∞
2024 წელს „დრესაპს“ 30 წელი შეუსრულდა. თავიდან იყო Levi’s-ის ჯინსები, თავისუფლების სიმბოლო, გზად კი მრავალი, სტილის თავისუფლებისთვის მებრძოლი ბრენდი თუ იდეა გამოჩნდა. მთელი ეს დრო ერთ დიდ მოგზაურობას წააგავდა, ჰორიზონტზე კი ჯერაც არ მოჩანს ნაპირი. ამ პერიოდში უამრავი რამ მოხდა, რაც ცდება მოდის ფარგლებს და ბევრად მასშტაბურ ღირებულებებს ქმნის, რომელსაც გარდა მოდის სიყვარულისა, მომხარებელთა ერთგულება და ურთიერთპატივისცემა განაპირობებს.
ამ სიას მიეკუთვნება სხვადასხვა წამყვანი ბრენდების ფოტო და ვიდეო კამპანიები, რომლებშიც ქართველი ხალხის აღმოჩენაა შესაძლებელი.
ყურადსაღებია „დრესაპ ჯგუფის“ საწარმოს არსებობაც, რომელშიც დღესდღეობით ორი ქართული ბრენდის ფეხსაცმელები, „სავალი“ და „Atrio x რუსო“ იკერება.
მაგრამ რას იტყოდით სოციალურ პასუხისმგებლობაზე? „დრესაპი“ უკვე წლებია მხარს უჭერს #არაბარბარიზმებს, რომელიც ქართული ენიდან მავნე სიტყვების გაქრობისთვის იბრძვის. და რას იტყოდით ფერეიდნელ ქართველებზე? გარდა იმისა, რომ ჯგუფი ხელს უწყობდა საქართველოში ჩამოსვლის მსურველთა ტურების მოწყობას, არაერთი ფერეიდნელი დღეს სწორედაც, რომ „დრესაპშია“ დასაქმებული.
მომავალი კი… მომავალი კი, როგორც გითხარით ჯერ შორსაა ნაპირიდან, ამ მოგზაურობის დროს კიდევ უამრავ წერტილში მოგვიწევს შეჩერება, გეგმები ნამდვილად დიდია! დაწყებულია პროცესები სასაწყობო მეურნეობის მნიშვნელოვანი განვითარების გარშემო, რომელიც უფრო დახვეწილ, უფრო მაღალი დონის სერვისს განაპირობებს. არ უნდა გამოგვრჩეს ქართული წარმოების ხელშეწყობაც. მიზანი კი დასაწყისიდან დღემდე უცვლელია და ერთ, კონკრეტულ და მნიშვნელოვან ხაზს მიყვება - მუდმივი განვითარება, მუდმივი სიახლეები, მასშტაბური იდეები და საქართველო, რომელშიც თითოეულ ჩვენგანს საერთაშორისო ბრენდებისა და მაღალი ხარისხის მომსახურების მიღება შეეძლება.
