თქვენი კალათა
თქვენს კალათაში აღარ არის პროდუქტი
მონო-ბრენდული მაღაზიები:
დრესაპ ჯგუფი (შპს თრეიდლაინ) 1994 წლიდან ქართული ტანსაცმლის, ფეხსაცმლისა და აქსესუარების ბაზარზე არის წარმოდგენილი. ათწლეულების განმავლობაში, ჩვენ არა მხოლოდ ვქმნით მოდის განვითარებისთვის შესაბამის გარემოს, არამედ ვეხმარებით თითოეულ ადამიანს საკუთარი სტილისა და იდენტობის ჩამოყალიბებაში.
წლების განმავლობაში Dressup Group-მა არაერთი გამოწვევა დაძლია და ბაზრის მოთხოვნებთან შესაბამისობაში განაგრძობს განვითარებას. ჩვენ მუდმივად ვეძებთ სიახლეებს, ვაგრძელებთ გაფართოებას, ვსწავლობთ საერთაშორისო გამოცდილებას და ვერგებით ახალი თაობის მოთხოვნებს. ასე გავხდით ინდუსტრიის ინოვატორი და ციფრული ვაჭრობის პიონერები საქართველოში, რაც მომხმარებლებისთვის მარტივ და კომფორტულ გამოცდილებას ქმნის.
დღეს დრესაპ ჯგუფის 80-ზე მეტი მაღაზია ოთხ ქალაქში, თბილისში, რუსთავში, ზუგდიდსა და ბათუმშია წარმოდგენილი. ჩვენთან 100-ზე მეტი ბრენდის ორიგინალი პროდუქციაა წარმოდგენილი - იქნება ეს მონო-ბრენდულ თუ მულტიბრენდულ მაღაზიებში.
მულტიბრენდული მაღაზიები:
FActory - მულტიბრენდული მაღაზია, რომელიც აერთიანებს სხვადასხვა საერთაშორისო ბრენდის ფეხსაცმელსა და აქსესუარებს. აქ შეგიძლიათ იპოვოთ, ისეთი ბრენდების კოლექციები, როგორებიცაა: Calvin Klein, Lacoste, Adidas, Nike, Tommy Hilfiger, Vans, Converse, Birkenstock, Crocs, Ambitious, Marco Tozzi და სხვა.
Atrio - პრემიუმ ფეხსაცმლისა და აქსესუარების მულტიბრენდული მაღაზიათა ქსელი, რომელიც სთავაზობს მაღალი ხარისხის და ექსკლუზიურ მოდელებს. აქ წარმოდგენილია მსოფლიოს წამყვანი ბრენდების უახლესი კოლექციები, რომლებიც აკმაყოფილებენ ყველაზე მომთხოვნი მომხმარებლების გემოვნებას.
Kid's Gallery - 14 წლამდე ბავშვებისთვის განკუთვნილი მაღაზია, რომელიც ტანსაცმლის, ფეხსაცმლისა და აქსესუარების კოლექციების შეხვდებით. აქ შეგიძლიათ იპოვოთ ჩვენს პორტფოლიოში შემავალი ბრენდების პროდუქტი თქვენი პატარებისთვის.
Jeans Gallery - მაღაზია, რომელიც სხვადასხვა, ცნობილი ბრენდების ტანსაცმლისა და აქსესუარების ფართო არჩევანს გვთავაზობს.
Dressup Outlet - ჩენს პორტფოლიოში წარმოდგენილი ბრენდების „აუთლეთური“ კოლექციები. სხვადასხვა მულტიბრენდულ მაღაზიაში შეხვდებით ქალის, მამაკაცისა და ბავშვის ფასდაკლებულ ტანსაცმელსა თუ აქსესუარებს.
გარდა ამისა, Dressup.ge დღეს საქართველოში ერთ-ერთი ყველაზე მოწინავე ონლაინ შოპინგ პლატფორმაა, რომელიც მომხმარებლებს მუდმივად სთავაზობს საერთაშორისო ბრენდების უახლეს, მათ შორის ექსკლუზიურ კოლექციებს.
ჩვენი მომხმარებლების ერთგულება ჩვენი მთავარი ინსპირაციაა. სწორედ ამიტომ, ლოიალობის პროგრამებითა და ექსკლუზიური შეთავაზებებით მუდმივად გაძლევთ შესაძლებლობას, პირველებმა აღმოაჩინოთ ახალი კოლექციები და განსაკუთრებული პრივილეგიებითა თუ ფასდაკლებებით ისარგებლოთ.
ჩვენს გუნდში – 1000-ზე მეტი თანამშრომელი იყრის თავს, რომელთა რაოდენობა წლიდან წლამდე იზრდება. დრესაპში დიდ ყურადღებას ვაქცევთ თანამშრომლების პროფესიულ განვითარებასა და კომფორტულ სამუშაო გარემოს. კომპანიაში მოქმედებს მრავალფეროვანი კორპორატიული ბენეფიტები, იქნება ეს ტრენინგები, კარიერული ზრდის შესაძლებლობები თუ სხვა მხარდაჭერის პროგრამები. ჩვენი მიზანია, თითოეულ თანამშრომელს შევუქმნათ პირობები, სადაც მათი პიროვნული და პროფესიული განვითარება მუდმივად წახალისებული იქნება. ჩვენთვის მნიშვნელოვანია სტუდენტური დასაქმებაც, რაც ახალგაზრდებს საშუალებას აძლევს, განათლების პარალელურად შეიძინონ პრაქტიკული გამოცდილება და გაიღრმავონ ცოდნა მოდისა და საცალო ვაჭრობის სფეროში. მოქნილი სამუშაო გრაფიკი მათ ეხმარება აკადემიურ და კარიერულ განვითარებაში, რაც წარმატებული პროფესიული მომავლისთვის მნიშვნელოვან საფუძველს ქმნის.
ქართული მოდა – ჩვენი კიდევ ერთი გამორჩეული პრიორიტეტია. ჩვენ ყოველთვის მხარს ვუჭერთ ადგილობრივ წარმოებას და მონაწილეობას ვიღებთ ქართული ბრენდების განვითარებაში. დღეს დრესაპ ჯგუფის საწარმოში ორი ქართული ბრენდი: „სავალი“ და „ატრიო | რუსო“ იქმნება, რომლებიც მომხმარებელს უნიკალურ და ხარისხიან პროდუქტს სთავაზობენ. ორივე მათგანის აღმოჩენა ჩვენს მულტიბრენდულ მაღაზიებშია შესაძლებელი.
დრესაპ ჯგუფი – ეს არის სივრცე, სადაც შეგიძლია აღმოაჩინო შენი სტილი, ისიამოვნო უმაღლესი ხარისხით და განაახლო გარდერობი მსოფლიო ბრენდების უახლესი კოლექციებით.
