თქვენი ჩანთა
თქვენს კალათაში აღარ არის პროდუქტი
- სიახლეები
- 7477 ნახვა
ნინო ფარჯიანი Dressup.ge-ის ონლაინ ექსკლუზივის კატეგორიის ბრენდ მენეჯერია. ის უფრო ახლოს გაგვაცნობს ამ მიმართულების ბრენდებს და მათ უპირატესობებს. მოგვიყვება, თუ რომელი ბრენდი როგორი სტილის მქონე ადამიანისთვის შეიძლება იყოს საინტერესო და, ასევე, ისაუბრებს სამომავლო გეგმებზეც.
რა არის ონლაინ ექსკლუზივი?
ონლაინ ექსკლუზივი არის ტანსაცმლის, ფეხსაცმლისა და აქსესუარების კატეგორია, რომელიც Dressup.ge-ზე არსებულ ექსკლუზიურ ბრენდებს აერთიანებს. ამ ბრენდების შეძენა, საქართველოში, მომხმარებელს მხოლოდ Dressup.ge-ზე და მხოლოდ ონლაინ შეუძლია.
რომელი ბრენდებია გაერთიანებული ონლაინ ექსკლუზივის კატეგორიაში?
ონლაინ ექსკლუზივის კატეგორიაში ბევრი სხვადასხვა ტიპის, სხვადასხვა საფასო კატეგორიისა და სტილის ბრენდია გაერთიანებული, ერთ-ერთ მიმართულებას წარმოადგენს, მაგალითად, სკანდინავიური ბრენდები, როგორიც არის Vero Moda, Selected Femme, Y.A.S, Pieces, Noisy May, Vila, JJXX, ხოლო მამაკაცის ხაზში Selected Homme და Only and Sons. გარდა ამისა, ონლაინ ექსკლუზივის კატეგორია აერთიანებს სხვა ბრენდებსაც, როგორიც არის Esprit, Salsa Jeans, Tally Weijl, Perspective და ა.შ. თითოეულ ბრენდს თავისი გამორჩეული ხასიათი აქვს და ყველა მათგანი პასუხობს თანამდეროვე მოდის ტენდენციებს.
რა გამოარჩევს ამ ბრენდებს?
ზემოთ აღნიშნული სკანდინავიური ბრენდები პირველ რიგში უნიკალური, სკანდინავიური სტილით გამოირჩევა, რომელიც ბოლო პერიოდში განსაკუთრებით მზარდად და აქტიურად იკიდებს ფეხს მოდის ინდუსტრიაში. ამ ბრენდების ნაწილი შეიძლება გამოვარჩიოთ როგორც „კაფსულა გარდერობის“ შესაქმნელად განკუთვნილი სამოსი, ნაწილი კი თავისი ექსტრავაგანტურობით გამოირჩევა. მაგალითად, ისეთი ბრენდები, როგორიც არის Vero Moda, Noisy May, Vila, ორიენტირებულია ნეიტრალურ ფერებზე, უკვდავ სტილსა და მარტივ, მაგრამ ეფექტურ, ე.წ „კაფსულა გარდერობზე“. რაც შეეხება ისეთ ბრენდებს, როგორიც არის Y.A.S, JJXX, Pieces, ძირითად მიმართულებას ფერადი, თამამი და თვალშისაცემი მოდელები წარმოადგენს.
რომელ ბრენდს გამოყოფდი და რატომ?
ონლაინ ექსკლუზივის კატეგორიაში შემავალ ყველა ბრენდს ახასიათებს რაღაც უნიკალური, თუმცა, ცხადია, შეიძლება რამდენიმე მათგანის გამოყოფა. სკანდინავიური ბრენდებიდან გამოვარჩევდი Selected homme-ს და Selected Femme-ს, რომელიც წარმოადგენს ქალისა და მამაკაცის ტანსაცმლის ხაზს. სკანდინავიური მინიმალიზმით გამორჩეული ელეგანტური სტილი, ამ ბრენდის განსაკუთრებულ ხასიათს უსვამს ხაზს. მაღალი ხარიხის, ბუნებრივი ქსოვილებით შექმნილი სამოსი ნამდვილად კომფორტულს გახდის თქვენს ყოველდღიურობას.
მამაკაცის ხაზიდან, გამოვარჩევდი Only&Sons-ს, რომელიც ორიენტირებულია შექმნას გამორჩეული სტილი, როგორც მინიმალისტური ფერების კომბინაციით, ასევე ექსტრავაგანტური ხასიათით. გარდა ამისა, ბრენდის უპირატესობას წარმოადგენს მაღალი ხარისხის მასალებით შექმნილი მოდელები, რომლის შეძენაც ბიუჯეტურ ფასად არის შესაძლებელი.
რადგან სკანდინავიურ ბრენდებზე უკვე ვისაუბრე, ვეცდები სხვა ძალიან საინტერესო ბრენდებზეც მოგიყვეთ. ერთ-ერთი მათგანია Salsa Jeans - პორტუგალიური ბრენდი, რომელიც მაღალი ხარისხის ჯინსის წარმოებაზეა ორიენტირებული. ბრენდი ფოკუსირებულია შექმნას იდეალური ჯინსი ნებისმიერი ტიპის სხეულისთვის, ამიტომ მომხმარებელს, რომელიც სრულყოფილი ფორმის, დგომისა და ფერის ჯინსს ეძებს, აუცილებლად ვურჩევდი Salsa Jeans-ის კოლექციის დათვალიერებას.
კიდევ ერთი ბრენდი, რომელიც მინდა ვახსენო, არის შვეიცარიული ბრენდი - Tally Weijl - შესანიშნავი გამოსავალი ახალგაზრდებისთვის, რომლებიც საკუთარი სტილის შექმნის პროცესს გადიან და მუდმივად ეძებენ ბიუჯეტურ, მაგრამ საინტერესო ბრენდებს. თამამად შემიძლია ვთქვა, რომ Tally Weijl ორივე კრიტერიუმს აკმაყოფილებს.
აუცილებლად უნდა გამოვარჩიო უკვე ნახსენები, ამერიკული ბრენდი - Esprit. ბრენდმა მოდის ინდუსტრიაში 1960-იან წლებში შემოაბიჯა და მას შემდეგ არ ერიდება ინოვაციებსა და რისკებს. ეს ბრენდი განსაკუთრებით მიყვარს, რადგან მისი ფილოსოფია დაფუძნებულია ადამიანზე და მის ინდივიდუალურ ხასიათზე, სწორედ ამიტომ, მათთვის, ვისთვისაც საკუთარი სტილის განსაზღვრისას ინდივიდიუალიზმი, განსხვავებულობა და სითამამე მნიშვნელოვანია, Esprit აუცილებლად საინტერესო და საყვარელ ბრენდად იქცევა.
სამომავლო გეგმები
ონლაინ ექსკლუზივის კატეგორიის განვითარების კუთხით დიდი მიზნები გვაქვს. სამომავლოდ ვგეგმავთ ბევრი ახალი ბრენდის დამატებას იმისთვის, რომ ჩვენს მომხმარებელს დახვდეს მრავალფეროვანი არჩევანი, რომელიც განკუთვნილი იქნება ნებისმიერი სტილისა თუ გემოვნების ადამიანისთვის. თუ გსურთ, რომ შექმნათ საკუთარი, ინდვიდუალური სტილი - ნებისმიერ გარემოში - სახლში, ქუჩაში, სამსახურში, საღამოს მეგობრებთან ერთად, ონლაინ ექსკლუზივის კატეგორიაში აუცილებლად იპოვით იმას, რაც გამორჩეულს გახდის თქვენს ყოველდღიურობას. ამიტომ, თვალი ადევნეთ Dressup.ge-ის, წინ ბევრი სიახლე გელოდებათ.