წიგნი - In Transit. Claesson Koivisto Rune

In Transit. Claesson Koivisto Rune – ეს არის პირველი ყოვლისმომცველი მონოგრაფია, რომელიც ეძღვნება არქიტექტურისა და დიზაინის ცნობილი სტუდიის, „Claesson Koivisto Rune“-ის ფილოსოფიასა და შემოქმედებას.

„Claesson Koivisto Rune“ დღესდღეობით შვედეთის ერთ-ერთი ყველაზე მეტად აღიარებული და საერთაშორისო ჯილდოების მფლობელი არქიტექტურული და დიზაინერული ბიუროა. მათმა შემოქმედებამ უდიდესი წვლილი შეიტანა თანამედროვე სკანდინავიური დიზაინის განვითარებაში. ეს ვრცელი მონოგრაფია პირველად წარმოაჩენს სტუდიის მოღვაწეობას გლობალურ კონტექსტში. სხვადასხვა ქვეყნებს, მასშტაბებსა და სფეროებს შორის მანევრირებით, ამ ბიურომ ხელი შეუწყო ადგილობრივი ხელოსნობისა და ინდუსტრიული მემკვიდრეობის ევოლუციას, ამავდროულად კი ინსპირაციასა და ცოდნას მთელი მსოფლიოს მასშტაბით სხვადასხვა კოლაბორაციებიდან იღებდა. 30 წლის განმავლობაში „Claesson Koivisto Rune“-მა პროექტები განახორციელა 5 კონტინენტის 26 ქვეყანაში – დაწყებული მასშტაბური შენობებით, სასტუმროებით, კერძო სახლებითა და სახელოვნებო გალერეებით, დასრულებული მაჯის საათებით, სანათებით, სკამებითა და მაგიდებით.

დეტალები:
• წიგნში წარმოდგენილია საგულდაგულოდ შერჩეული პროექტების კოლექცია, წამყვანი არქიტექტურული ფოტოგრაფების ულამაზესი ნამუშევრების თანხლებით
• დამფუძნებლების – მორტენ კლესონის (Mårten Claesson), ეერო კოივისტოსა (Eero Koivisto) და ოლა რუნეს (Ola Rune) თხრობის საშუალებით, მკითხველი დეტალურად გაეცნობა მათ საავტორო მეთოდებს, ფიქრებს ხელოვნებაზე, არქიტექტურაზე, დიზაინსა და იმაზე, თუ როგორ აყალიბებს ეს ყველაფერი მათ ყოველდღიურ პრაქტიკას
• იდეალური გამოცემა და შთაგონების წყაროა არქიტექტორების, ინტერიერისა და პროდუქტის დიზაინერების, სკანდინავიური ესთეტიკის მოყვარულთა და ხელოვნების ენთუზიასტებისთვის