თქვენი ჩანთა
თქვენს კალათაში აღარ არის პროდუქტი
- სტატიები
- 2971 ნახვა
შავი პარასკევი: ფენომენი, რომელმაც მთელი მსოფლიო დაიპყრო
პირველი შავი პარასკევი
შავი პარასკევის ისტორია გასული საუკუნის 60-იანი წლებიდან იწყება და ათვლის წერტილისთვის აშშ-მდე უნდა ვიმოგზაუროთ. თავდაპირველად, ეს ტერმინი მადლიერების დღის შემდეგ ერთ, მეტად ქაოსურ დღეს უწოდეს. მიზეზი მარტივი იყო, საქვეყნო დღესასწაულის შემდეგ ადამიანების დიდი ჯგუფი მეგობრულ ან ოჯახურ „გასვლებს“ აწყობდნენ და მაღაზიებსა თუ ქუჩებში იყრიდნენ თავს დროის კარგად გასატარებლად. ხალხმრავლობა კი მარკეტის ორივე ნაწილისთვის გასაგები იყო, მყიდველისთვისაც და გამყიდველისთვისაც - შესაბამისად გადაწყვიტეს ეს ქაოსური გარემო უფრო მეტად ორგანიზებულ დღედ ქცეულიყო, რა დროსაც ორივე მხარე ბედნიერი დარჩებოდა, თუმცა რა იცოდნენ უფრო და უფრო დიდ ქაოსს თუ გამოიწვევდა ეს ყოველივე. მეოცე საუკუნის ბოლოსთვის „შავი პარასკევის“ სახელი უკვე ყველასათვის იყო ცნობილი და აქციებიც თუ შეთავაზებებიც სხვადასხვა ბრენდისა თუ მაღაზიის მხრიდან მასიური და მრავალფეროვანი ხდებოდა. ამ დღეს ყველაფერს შეხვდებოდით - ემოციურ თუ პირდაპირ, დიდ თუ პატარა ფასდაკლებებს, თუმცა რაც მთავარია ეს იყო შეგრძნება - საახალწლო საყიდლების სეზონი სწორედ აქედან იწყება!
რატომ არის შავი პარასკევი ასე პოპულარული?
შავი პარასკევის წარმატების საიდუმლო იმაშია, რომ ის დაუჯერებელ და ამაღელვებელ ფასდაკლებებს გთავაზობს და თანაც დრო ყოველთვის შეზღუდულია. ეს ერთგვარი ადრენალინის განცდას აღვიძებს ადამიანში, გინდა ყველაფერი სწრაფად მოასწრო, რეკლამები და ცნობილი ბრენდების მასშტაბური კამპანიები კი თითქოსდა გაიძულებს ეს დღე მათთან ერთად გაატარო. ეს არის დიდი აურზაური, რომელსაც ვერავინ გაურბის. ელექტრონული კომერციის ზრდამ კი ეს მოვლენა კიდევ უფრო გაამარტივა, რადგან ახლა ათასობით შეუძლიათ შოპინგი სახლიდან გაუსვლელად განაახლონ გარდერობი.
შავი პარასკევი დღეს (სინამდვილეში კი 29 ნოემბერს)!
დღეს რა თქმა უნდა შავი პარასკევი ამერიკული ტრადიციის ფარგლებს გასცდა და გლობალური სავაჭრო ფენომენი გახდა. ევროპისგან აზიამდე, ავსტრალიიდან სამხრეთ ამერიკამდე, აფრიკიდან ჩრდილოეთ ამერიკამდე, ქვეყნებმა შეითავსეს, დაამუშავეს და უფრო მაღალ, ხელოვნების დონეზე აიყვანეს ეს კონცეფცია, საკუთარი კულტურისა და რეალობის მიხედვით. ალბათ არც იმის თქმა გაგაკვირვებთ, რომ საქართველოც მოხვდა ამ ქვეყნებს შორის და არც ის, რომ Dressup.ge-ზეც შეძლებთ განსაკუთრებული შეთავაზებებით სარგებლობას.
შავი პარასკევი საქართველოში და ცოტაც Dressup.ge-ზე!
საქართველოში შავი პარასკევი წლის ერთ-ერთი ყველაზე მოთხოვნადი მოვლენა გახდა და თითოეული ადამიანი განსაკუთრებით ელოდება ხოლმე ნოემბრის ბოლო დღეს სულაც რომ არაფრის ყიდვას არ აპირებდეს ხოლმე.
(ჩვენდა საამაყოდ უნდა აღინიშნოს) Dressup.ge-ზე ფასდაკლებები უკვე დიდი ხანია რაც დაწყებულია და ეს ტენდენცია 29 ნოემბერსაც არ დატოვებს შოპინგის მოყვარულს უკმაყოფილოს! ისე კი უნდა გითხრათ ონლაინ ვაჭრობის შესაძლებლობამ ყველაფერი უფრო გაამარტივა, არავინ ჩაგიხტება წინ რიგში და არავინ აგაცლის ცხვირწინ იმ მოდელს ერთი კვირა რომ ელოდებოდი.
თუკი ბლოგის ამ ნაწილამდეც მოხვედით კიდევ ერთ პატარა სიურპრიზს გაგიმხელთ, ჩვენი სოციალური ქსელების თვალის დევნების დროს ბევრ-ბევრ აქციასთან და შეთავაზებასთან ერთად სულ მალე ვიდეორგოლსაც შეხვდებით, საშავპარასკევოს და იქნებ თქვენი ციფრული კალათაც, მაგიურად, მსოფლიოს სხვადასხვა ბრენდებით შეივსოს!