თქვენი ჩანთა
თქვენს კალათაში აღარ არის პროდუქტი
- სიახლეები
- 10155 ნახვა
გაზაფხული-ზაფხულის სეზონის მთავარი ტენდენციები
გაზაფხულის მოსვლა ყველასთვის ახალ სიცოცხლესთან ასოცირდება. გარემოს გამოცოცხლება და ტემპერატურის ზრდა კი საუკეთესო დროს ქმნის სიახლეებისთვისა და ექსპერიმენტებისთვის. მოდისა და ქუჩის სტილის მიმართულებით, როგორც ყველა ახალ სეზონზე, ბევრი საინტერესო ტრენდი გაჩნდა, რომელსაც ამ ბლოგში განვიხილავთ.
1. Double Denim
ჯინსი ყოველთვის იყო და იქნება თითოეული ჩვენგანის გარდერობის განუყოფელი ნაწილი. თუმცა, 2024 წელს, ის კიდევ უფრო დიდ და მასშტაბურ როლს ირგებს. ორმაგი ჯინსი წლის ერთ-ერთი მთავარი ტრენდია, რომელსაც შევხვდებით როგორც მაღალი მოდის ჩვენებებზე, ასევე ყოველდღიურ, ურბანულ გარემოშიც. როდესაც ორმაგ ჯინსზე ვსაუბრობთ, ბევრს უჩნდება განცდა, რომ აუცილებელია ჯინსის ორი ნივთი იდეალურად ერწყმოდეს ერთმანეთს და ქმნიდეს ერთგვარი ორეულის ვიზუალს, თუმცა, თანამედროვე მოდა, რომელიც სავსეა ექსპერიმენტებით და რომლის მთავარი მამოძრავებელი ძალაც ინდივიდუალიზმია, ჩვენგან ამას არ ითხოვს. ამ ტრენდის მთელი ხიბლიც სწორედ იმაშია, რომ წელს თამამად შეძლებ დაასტაილინგო სხვადასხვა ფერის, სხვადასხვა პრინტის მქონე ჯინსის ნივთები ისე, რომ მაქსიმალურად გაუსვა ხაზი საკუთარ ხასიათსა და ნიშას.
1. Pop pf Pink
არაფერი ასოცირდება გაზაფხულთან ისე, როგორც კაშკაშა, ნათელი ფერები. თუ მოდის ტენდენციებს თვალს აქტიურად ადევნებ, გემახსოვრება, რომ წინა სეზონის დომინანტი ფერი წითელი იყო. ამ ფერს ვხვდებოდით აქსესუარებში, ფეხსაცმელებში და, ხშირად, ლუქის მთავარ აითემებშიც. 2024 წლის გაზაფხული კი ახალ წამყვან ფერს - ვარდისფერს გვთავაზობს. წითელი ფერისგან განსხვავებით, ვარდისფერი გაცილებით უფრო ნაზი, ფემინური და მშვიდი ფერია, რაც უფრო მარტივს ხდის მის სტაილინგს. აქედან გამომდინარე, თავისუფლად შეგიძლია აიღო ნებისმიერი ვარდისფერი ნივთი შენი გარდერობიდან და შექმნა უამრავი საინტერესო, ახლებური ლუქი.
3. Adidas Sneakers
მიუხედავად იმისა, რომ საკულტო ადიდასის მოდელები მოდიდან არასდროს გადასულა და ათწლეულებია, რაც განუზომელ აქტუალურობას ინარჩუნებს, 2024 წლის გაზაფხულზე მათ კიდევ უფრო ხშირად, კიდევ უფრო მეტი ინტერპრეტაციით შევხვდებით. განსაკუთრებით აქტუალური იქნება ფერადი მოდელები, რაც, ძირითადად, შემდეგ სამ მოდელში გვხვდება: Samba, Gazelle, Spezial. ადიდასის ფერადი ფეხსაცმლის შეხამებას შეძლებ ყველაფერთან და თან არასდროს მოგიწევს იმაზე ნერვიულობა, რომ ოდესმე შენი საყვარელი მოდელი ტრენდული აღარ იქნება. ამიტომ ეს ნივთი ნამდვილად იმსახურებს შენს გარდერობში ყოფნას.
1. Sporty Chic
სეზონის ერთ-ერთი ყველაზე საინტერესო, ექსპერიმენტული და უცხო ტრენდი, რომელსაც ძალიან მარტივი ფორმულა აქვს - კლასიკური, დახვეწილი ნივთებისა და სპორტული სამოსის სწორი სთაილინგი. ტრენდის ერთ-ერთი ყველაზე ხშირი ფორმა, რომელსაც ქუჩებში შევხვდებით, არის ადიდასის პროტული შარვალი „oversized” პიჯაკთან და “kitten heels” ფეხსაცმელთან ერთად, რაც, მიუხედავად იმისა, რომ შეიძლება ყველას კომფორტის ზონა და სტილი არ იყოს, ნამდვილად საინტერესოა.
როოგრც ხედავთ, 2024 წელი მთლიანად ექსპერიმენტებს ეძღვნება. ამ წლის მთავარი ტენდენცია კი ის არის, რომ ადამიანებმა უფრო მეტი ინდივიდუალიზმი ჩააქსოვონ თითოეულ ლუქში. შესაბამისად, უკვე დროა, რომ საკუთარი თავისა და სტილის პოვნის მოგზაურობა დაიწყოთ და პროცესში უამრავი ახალი ექსპერიმენტი ჩაატაროთ. რაც მთავარია, არ უნდა დაგვავიწყდეს, რომ ამ ყველაფრით სიამოვნება მივიღოთ და გავერთოთ.
აქედან გამომდინარე, წელს ყველა სტილისა და ხასიათის ადამიანს შეუძლია, რომ ტრენდული იყოს. შენთვის საყვარელ და თანაც ტრენდულ ნივთებს კი Dressup.ge-ზე აუცილებლად იპოვი.