თქვენი კალათა
თქვენს კალათაში აღარ არის პროდუქტი
„სავალი“ და „ატრიო|რუსო“ – ფეხსაცმელი, ქართულად.
მცირე ხნის წინ, დრესაპ ჯგუფის პორტფოლიოს კიდევ ერთი ყოველდღიურობით, სეირნობითა და მეგობრული ემოციებით გაჯერებული პროექტი შეემატა. „სავალის“ და „ატრიო|რუსოს“ ვიდეო და ფოტო კამპანიაში იმ ყველაფერს აღმოაჩენთ, რაც ერთი ნაბიჯით დაგაახლოებთ საქართველოში წარმოებულ ფეხსაცმელთან.
„სავალი“ – როცა ფეხის ხმა ყოველდღიურობას ეხმიანება:
„სავალი“ ქართულ ქუჩებსა და ხმებს აცოცხლებს. სეირნობის უბრალო, მაგრამ ამავდროულად ღრმა რიტუალი აქ ხელოვნების ნიმუშად იქცევა. ეს ფეხსაცმელი ისტორიებს ჰყვება - ამბებს პირველივე ნაბიჯებიდან, ყოველ გზაზე ახლიდან აღმოჩენილი მზის ჩასვლიდან დაწყებული, გამთენიამდე მოსწრებულ ჩქარ-ჩქარი ნაბიჯების ჩათვლით. თითოეული ფეხსაცმელი ნათლად გვაჩვენებს, თუ რატომ არის შექმნილი შენთვის და შენი ინდივიდუალიზმის ხაზგასასმელად.
„ატრიო|რუსო“ – ელეგანტურობა და ძალა ყოველი ნაბიჯიდან:
თუ „სავალი“ ყოველდღიურობის ჰანგებზეა აწყობილი, „ატრიო|რუსო“ პრემიუმ განწყობის ნამდვილ სიმფონიას ქმნის. ეს კოლექცია ხელნაკეთი ოსტატობისა და დახვეწილი გემოვნების ერთობლიობაა. პრემიული ფეხსაცმლის თითოეული მოდელი ისეთ დეტალებს ფარავს, რომლებიც თანადროულია მსოფლიოს ტენდენციებთან და ქართული ნიშნებითაც გაჯერებულია.
„ატრიო|რუსოს“ თითოეული ფეხსაცმელი თითქოს ვიდეოდანაც გვეუბნება - შენ განსაკუთრებული ხარ.
„ჩემთვის ფეხსაცმელი უბრალოდ ნივთი არაა – ეს ხელოვნების ნაწილი, ემოცია და ისტორიაა,“ ამბობს რუსო დანელია, რომლის შემოქმედება უკვე 25 წელია, ქართული მოდის წინა ხაზზეა.
ეს კოლექციები არა მხოლოდ ხარისხზე, არამედ ღირებულებებზე დგას – აღმოაჩინე ის, რაც ყოველთვის აქ იყო, მაგრამ ამჯერად ახლებური ფორმებით. „სავალი“ და „ატრიო|რუსო“ იმაზე მეტია, ვიდრე მოდა. ეს ქართული კულტურის გაგრძელებაა, მისი ახალი სიცოცხლე. ორივე ბრენდი, მიუხედავად განსხვავებული ხასიათისა, ერთ მთავარ იდეას იზიარებს – აჩვენოს, რომ საქართველომ არა მხოლოდ ტრადიციების შენახვა იცის, არამედ მათი თანამედროვე სამყაროში გადმოტანაცაა შესაძლებელი.
აღმოაჩინე ეს ემოცია დრესაპ ჯგუფის მაღაზიებში. შეიგრძენი ქართული მოდა, რომელიც შენი ყოველდღიურობისა და განსაკუთრებული მომენტების თანმხლები იქნება.
„სავალისა“ და „ატრიო|რუსოს“ კამპანიაზე, „დრესაპ ჯგუფის“ მარკეტინგის გუნდთან ერთად, მუშაობდნენ:
ფოტო-ვიდეო - გიორგი მახარაშვილი
მოდელები - თაკო ქართველიშვილი, სალომე სალაყაია, ნათია გვალაძე.
© ნიკა "ვარდო" ვარდიაშვილი