თქვენი კალათა
თქვენს კალათაში აღარ არის პროდუქტი
ბრენდული ტანსაცმლის, ფეხსაცმლისა და აქსესუარების ფალსიფიცირებული ვერსიები ყველაზე დიდ პრობლემას წარმოადგენს შოპაჰოლიკებისთვის. დროის გასვლასთან ერთად კი ყალბი მოდელების მჭრელებიც უფრო და უფრო დახელოვნდნენ თავიანთ საქმიანობაში. თუმცა, მოდით, ვაღიაროთ - იმაზე საშინელი განცდა ცოტა თუ გაგვახსენდება, როცა შენი საყვარელი ბრენდის ყიდვის სიხარულს - ყალბი ლოგო ან უხარისხო ქსოვილი გრჩება ხელთ.
ჩვენთვის, ისევე როგორც თქვენთვის, ყველაზე მნიშვნელოვანი ისაა, რომ ნამდვილად საუკეთესო ხარისხი მიიღოთ. (ასე რომ თუკი შერლოკ ჰოლმსის თავგადასავალი თქვენც გიყვარდათ ახალგაზრდობაში - ყველა იმ რჩევას მოგცემთ რაც თითოეული პროდუქტის სინამდვილეში დაგარწმუნებთ და თანაც თქვენით, დედუქციურად მიხვალთ პასუხებამდე!)
ისე კი, უფრო მარტივი პასუხს თქვენითაც მიხვდებოდით - „დრესაპ ჯგუფის“ ყველა მაღაზია ოფიციალურ პროდუქტს სთავაზობს მომხმარებლებს. ჩვენი მიზანი კი მხოლოდ ერთია, გაგიზიაროთ გულწრფელი რჩევები (და კიდევ ერთხელ შეგახსენოთ, ჩვენთან ყოველგვარი სტრესის გარეშე შეგიძლიათ „იშოპინგოთ“). ამ ბლოგის წაკითხვის შემდეგ, შეგიძლიათ გვესტუმროთ და „ტესტიც“ კი ჩაუტაროთ! (იქნებ გზად თქვენს მომავალ საყვარელ ნივთსაც შეხვდეთ!)
Vans
1. ძირის დიზაინი ("Waffle Sole"):
ორიგინალური Vans-ის ძირი დამზადებულია გამორჩეული "Waffle" დიზაინით, რომელიც უზრუნველყოფს ფეხსაცმლის უკეთეს მოჭიდებას ზედაპირთან. ყალბ მოდელებში ეს დიზაინი ხშირად არათანაბარია, შედარებით ღრმა ან ზედმეტად ბრტყელი.
2. შიდა ლოგო:
შეამოწმეთ ფეხსაცმლის ენის შიდა ნაწილი. ნამდვილი Vans-ის ფეხსაცმელს ლოგო მკაფიოდა აქვს დატანილი შიდა ნაწილზე, ხოლო ყალბ მოდელებში იგი ხშირად გადღაბნილი ან არასწორი ტიპოგრაფიითაა შესრულებული.
3. კერვა და მასალა:
Vans-ის ორიგინალური ფეხსაცმელი დამზადებულია მაღალი ხარისხის კანვასისა და რეზინისგან. კერვა თანაბარია და სწორი, ხოლო ყალბი მოდელების ნაკერები ხშირად არაზუსტია და წებოს კვალი მკაფიოდაა შესამჩნევი.
4. ყუთის შეფუთვა და სტიკერი:
ორიგინალურ ყუთზე არის შესაბამისი სტიკერი, რომელზეც მითითებულია მოდელის სახელი, ზომა და წარმოების კოდი. ეს ინფორმაცია უნდა ემთხვეოდეს ფეხსაცმლის შიდა ნაწილში მითითებულ დეტალებს.
Adidas
1. კოდი და სტიკერი:
Adidas-ის ყველა მოდელს აქვს უნიკალური პროდუქტის კოდი (serial number), რომელიც დატანილია როგორც ფეხსაცმლის შიგნით, ასევე ყუთზე. თუ ეს კოდები ერთმანეთს არ ემთხვევა, პროდუქტი, სავარაუდოდ, ყალბია.
2. ტრიო-ზოლების დიზაინი:
Adidas-ის სავაჭრო ნიშანი – სამი ზოლი – ყოველთვის კონტრასტულად და თანაბრადაა განლაგებული. თუ ზოლები ასიმეტრიულია ან მასალა იფშვნება, ეს შესაძლოა ყალბი პროდუქტის ნიშანი იყოს.
3. ტექნოლოგიები და დეტალები:
Adidas იყენებს ინოვაციურ ტექნოლოგიებს, როგორიცაა Boost-ქაფი. მისი ზედაპირი უნდა იყოს თანაბარი და კომფორტული. ყალბ მოდელებში ეს ტექნოლოგია ან არ გამოიყენება, ან უხარისხოა.
4. ლაზერული კვეთა ლოგოზე:
ორიგინალური Adidas-ის ლოგო ყოველთვის მკაფიოა, ხშირად ლაზერული ტექნოლოგიით გამოჭრილი, ხოლო ყალბ ვერსიებში ეს ნაწილი დაბალი ხარისხისაა.
Birkenstock
Birkenstock-ის სანდლები ცნობილი არიან მათი კომფორტითა და გამორჩეული დიზაინით. ყალბი მოდელების ამოცნობისთვის ყურადღება მიაქციეთ შემდეგ დეტალებს:
1. ძირის მასალა:
ორიგინალური Birkenstock-ის ძირი დამზადებულია სპეციალური რბილი, მაგრამ გამძლე მასალისგან. ყალბ მოდელებში ძირი ხშირად ძალიან ხისტია ან სწრაფად ცვდება.
2. ხარისხის მარკირება:
შიდა მხარეს შეგხვდებათ სპეციალური მარკირება, რომელზეც მითითებულია მოდელის ზომა და ბრენდის ლოგო. ეს მარკირება ყოველთვის უნდა იყოს მკაფიო და მკვეთრი.
3. მასალები:
ორიგინალური Birkenstock დამზადებულია მაღალი ხარისხის ნატურალური მასალებით, როგორიცაა კორპი და ნამდვილი ტყავი. ყალბი მოდელები ხშირად დამზადებულია პლასტმასის მსგავსი იაფფასიანი მასალისგან.
4. შეფუთვის დეტალები:
ყუთზე და პროდუქტზე ყველა ინფორმაცია ერთმანეთისთვის შესაბამისია. დაბალი ხარისხის შეფუთვა და წარწერები – ყალბი მოდელის მთავარი ნიშანია.
Lacoste
Lacoste-ის პროდუქტების ავთენტურობის დასადგენად ყურადღება მიაქციეთ შემდეგ დეტალებს:
1. ლოგო:
ორიგინალური Lacoste-ის ლოგო, ნიანგი, უნდა იყოს დეტალურად და ზუსტად გამოსახული. ყალბ ვერსიებში ლოგო ხშირად არაზუსტი ან დაბალი ხარისხისაა.
2. ეტიკეტი:
ნამდვილ პროდუქტებზე ეტიკეტები ხარისხიანია, ტექსტი მკაფიო და სწორად განლაგებული. ყალბ ეტიკეტებზე შეიძლება იყოს გრამატიკული შეცდომები ან დაბალი ხარისხის ბეჭდვა.
3. კერვა:
ორიგინალური Lacoste-ის ტანსაცმელი გამოირჩევა მაღალი ხარისხის კერვით, ნაკერები თანაბარი და სუფთაა. ყალბ პროდუქტებზე ნაკერები ხშირად არათანაბარი და უხეშია.
Crocs
Crocs-ის ავთენტურობის შესამოწმებლად გაითვალისწინეთ შემდეგი:
1. ლოგო:
ორიგინალურ Crocs-ზე ლოგო მკაფიო და დეტალურია, ხოლო ყალბ ვერსიებზე შეიძლება იყოს დაბალი ხარისხის ან არაზუსტი დეტალების.
2. მასალა:
ნამდვილი Crocs დამზადებულია მსუბუქი და მოქნილი მასალისგან, რომელიც ტარებისას მაქსიმალურ კომფორტზეა მორგებული. ყალბი პროდუქტები ხშირად უფრო მძიმე და ხისტია.
3. შიდა მარკირება:
ორიგინალურ Crocs-ის შიგნით არის ზომისა და მოდელის ინფორმაცია, რომელიც მკაფიოდ და სწორად არის დატანილი. ყალბ ვერსიებში ეს ინფორმაცია შეიძლება იყოს არაზუსტი ან საერთოდ არ არსებობდეს.
Levi's
Levi's-ის ჯინსების ავთენტურობის დასადგენად ყურადღება მიაქციეთ შემდეგს:
1. უკანა ეტიკეტი:
ორიგინალურ Levi's-ის ჯინსებზე უკანა ტყავის ეტიკეტი ხარისხიანია, ტექსტი მკაფიო და დეტალური. ყალბ ვერსიებში ეტიკეტი შეიძლება იყოს დაბალი ხარისხის ან არაზუსტი ტექსტით წარმოდგენილი. ხოლო, იმ შემთხვევაში თუ კონკრეტული მოდელი ეკო-მდგრადობითაა წარმოებული, შეიძლება ნაჭრის ეტიკეტსაც შევხვდეთ.
2. წითელი ტეგი:
Levi's-ის ჯინსებზე წითელი იარლიყი (Red Tab) უნდა იყოს სწორად დაწერილი და ხარისხიანად მიმაგრებული. ყალბ ვერსიებში ტეგი შეიძლება იყოს არასწორი შრიფტით ან ცუდად, არასტანდარტული ზომით მიმაგრებული. გამორჩეულია „ლივაისის“ მიდგომაც, ყოველი მეათე ჯინსი იწარმოება უწარწერო წითელი ეტიკეტით და მხოლოდ Copyright-ის [ © ] ნიშანს ატარებს, ასე, რომ ნუ შეშინდებით თუ მსგავსი მოდელი შეგხვდათ!
3. ღილები და მოქლონები:
ორიგინალურ პროდუქტებზე ღილები და მოქლონები დამზადებულია ხარისხიანი მეტალისგან, მათზე დატანილია Levi's-ის ლოგო. ყალბ ვერსიებში ეს დეტალები შეიძლება იყოს პლასტმასის ან ლოგო არასწორად დატანილი. მნიშვნელოვანია, რომ ბრენდი ზრუნავს მომხმარებელთა ჯანმრთელობაზე, შესაბამისად თითოეული მათგანი არ შეიცავს ნიკელს და არის ანტიალერგიული!
Converse
Converse-ის ფეხსაცმლის ავთენტურობის დასადგენად ყურადღება მიაქციეთ შემდეგ დეტალებს:
1. ლოგო და წარწერები:
ნამდვილი Converse-ის ლოგო მკვეთრი და დეტალურია, განსაკუთრებით "Chuck Taylor"-ის ვარსკვლავის გარშემო. ყალბ მოდელებში ხშირად ლოგო არაზუსტი პროპორციებით ან გაუფერულებული ჩანს.
2. შიდა ეტიკეტი:
ნამდვილი Converse-ის შიდა ეტიკეტზე მოცემულია ზუსტი მოდელის კოდი, ზომა და წარმოების ქვეყანა. ყალბ ფეხსაცმელში ეს დეტალები შეიძლება იყოს უხარისხო ბეჭდვით ან არასწორი ინფორმაციით.
3. ძირი და ნიმუში:
Converse-ის ნამდვილი ძირი დამზადებულია მტკიცე რეზინისგან, რომელიც აცვიათ მდგრადია და მოცურების საწინააღმდეგო ნიმუში აქვს. ყალბ მოდელებში ძირი ხშირად ძალიან რბილი ან ზედმეტად მძიმეა.
4. კერვა და მასალა:
ნამდვილი Converse-ის ნაკერები თანაბარი, სწორი და უწყვეტია. ყალბ მოდელებში მასალა უხეში ან იაფფასიანი ჩანს, ხოლო ნაკერები არათანაბარია.
5. ფასი და შეფუთვა:
ნამდვილი Converse-ს ყოველთვის მოჰყვება ხარისხიანი, ბრენდირებული ყუთი, რომელზეც არის ზომისა და მოდელის სრული ინფორმაცია. ძალიან დაბალი ფასი და არაორიგინალური შეფუთვა ყალბი პროდუქტის აშკარა ნიშანია.
GUESS
Guess-ის პროდუქტების ავთენტურობის შესამოწმებლად გაითვალისწინეთ შემდეგი:
1. ლოგო და მეტალის დეტალები:
ნამდვილი Guess-ის ლოგო ყოველთვის დეტალური და მაღალი ხარისხისაა. მეტალის ელემენტებზე, როგორიცაა „ზიპერები“ ან ლოგოს მედალიონები, არ უნდა იყოს კოროზია ან არათანაბარი მოჭრა, რაც ყალბში ხშირად გვხვდება. დამატებით, ყურადღება მიაქციეთ ლოგოს შრიფტს, რომელიც უნდა იყოს მკაფიო და ზუსტი - Hebrew Vilna Std Bold ან CG Times Regular-ის მსგავსი. ასევე, ბრენდის სამკუთხედის სიმბოლო, კითხვის ნიშნით, ზუსტად უნდა იყოს შესრულებული.
2. ეტიკეტები და შიდა ნიშნები:
Guess-ის ნამდვილი პროდუქტის შიდა ეტიკეტები იძლევა დეტალურ ინფორმაციას მასალის, ზომისა და წარმოების ადგილის შესახებ. ყალბ მოდელებში ეს წარწერები ხშირად ცუდად ბეჭდილია ან დასახელებებს შეცდომით ვხვდებით. ასევე, ხშირად ჩანთაში შიდა ელვაშესაკრავთან ახლოს მოთავსებულია მეტალის ლოგო, რომელიც გარე ლოგოს იდენტური უნდა იყოს და კერვაც თანაბრად იყოს შესრულებული.
3. მასალა და კერვა:
ნამდვილი Guess-ის პროდუქცია მზადდება უმაღლესი ხარისხის მასალებისგან და კერვა ყოველთვის თანაბარი და გამართულია. ყალბ პროდუქციას შეიძლება ჰქონდეს უხარისხო, არათანაბარი ნაკერები ან უხეში ტექსტურა. შეამოწმეთ მასალის ტექსტურა: ნამდვილი ჩანთები რბილი და გლუვია, ხოლო ყალბი მოდელები ხშირად მყარი და უხეშია. დააკვირდით ტყავის ხარისხს, თუ თითით დააჭერთ და ნაოჭები გაქრება, ეს ნამდვილი მასალის ნიშანია.
4. ფასი და შეძენის ადგილი:
ძალიან დაბალი ფასი ან პროდუქციის შეძენა არაოფიციალურ ან საეჭვო წყაროებიდან შეიძლება მიუთითებდეს სიყალბეზე. ნამდვილი Guess-ის პროდუქცია იყიდება მხოლოდ ბრენდირებულ მაღაზიებსა და ოფიციალურ პარტნიორებთან (მაგალითად ჩვენთან!).
5. შეფუთვა და დამატებითი აქსესუარები:
Guess-ის ნამდვილი პროდუქტი ყოველთვის მოჰყვება მაღალი ხარისხის შეფუთვა, მათ შორის ბრენდირებული ყუთები და ჩანთები. ყალბ შეფუთვაში ხშირად აკლია დეტალები, როგორიცაა ლოგო ან სწორი ზომები.
ბოლოთქმად
ბრენდული პროდუქციის ყიდვისას ყურადღებით დააკვირდით დეტალებს: ლოგოს, ეტიკეტს, მასალას და კერვის ხარისხს – სწორედ აქ ჩანს ნამდვილი ხარისხი. ყალბ ნივთებს ხშირად აკლიათ ის დახვეწილობა, რაც ორიგინალს აქვს (და მოდი ვაღიაროთ, გულის სიღრმეში ჩვენითაც ვხვდებით ხოლმე).
საუკეთესო არჩევანისთვის, კვლავაც დრესაპის მაღაზიებში სტუმრობას გირჩევთ. ასე თქვენ ყველაზე მარტივად შეძლებთ მიიღოთ ის, რაც გულწრფელად გსურდათ და რაც მთავარია ნამდვილია. ზუსტად ისეთი, როგორც ბრენდის შემქმნელებმა ჩაიფიქრეს და თქვენამდე მოტანა განიზრახეს. მოკლედ, გელოდებით, თქვენი სტილის შესაქმნელად (და ყოველგვარი ტესტირებისთვის) მზად ვართ!
© ნიკა "ვარდო" ვარდიაშვილი