თქვენი ჩანთა
თქვენს კალათაში აღარ არის პროდუქტი
- სიახლეები
- 7371 ნახვა
5 ფეხსაცმელი შენი კაფსულა გარდერობისთვის: 2024 წლის ზაფხულის სეზონი
თავისუფლად შეიძლება ითქვას, რომ 2024 წელს მოდასა და ქუჩის სტილში ფეხსაცმელს განსაკუთრებით დიდი მნიშვნელობა ენიჭება. სწორად შერჩეულ და დასტაილინგებულ ფეხსაცმელს შეუძლია ყველაზე უბრალო და ერთი შეხედვით მოსაწყენი ლუქიც კი განსაკუთრებული გახადოს. შესაბამისად, ამ ბლოგში განვიხილავთ ფეხსაცმლის 5 ტიპს, რომელიც ამ სეზონზე თქვენს გარდერობს აუცილებლად უნდა ამშვენებდეს. ამ 5 ფეხსაცმლის დახმარებით, ოფისიდან დაწყებული, სანაპიროთი დამთავრებული, თავს ყველგან კომფორტულად და ტრენდულად იგრძნობთ.
1. Kitten Heels
ეგრეთ წოდებული, „ფრანგული ქუსლი“ 2024 წლის დიდი დაბრუნებაა. 2000-იანი წლებში მოპოვებული წარმოუდგენელი პოპულარობის შემდეგ, ამ სეზონზე მისი მეორე სიცოცხლე დაიწყო. დაბალი, წვრილი ქუსლის დამსახურებით, ამ ტიპის ფეხსაცმელი ერთდროულად ელეგანტური და კომფორტულია. შესაბამისად, იდეალური არჩევანია როგორც ყოველდღიური სტილისთვის, ისე განსაკუთრებული შემთხვევებისთვის.
როგორ დავასტაილინგოთ:
ამ სენზონზე განსაკუთრებით ტრენდულია სწორი, დავარდნილი ჯინსისა და ფრანგული ქუსლის კომბინაცია, რომელიც მასკულინურობისა და ფემინურობის იდეალურ ჰარმონიას ქმნის. შესაბამისად, გარდა კლასიკური, ფემინური სტილისა, ფრანგული ქუსლი შეგიძლიათ გამოიყენოთ მასკულინურ და მკაცრ ფორმებთან ერთად, რითიც უფრო საინტერესო და განსხვავებული ლუქის შექმნას შეძლებთ.
2. Mary Jane Ballerinas
ბალერინები 2023 წლიდან არ კარგავს პოპულარობას, თუმცა 2024 წელს განსაკუთრებით აქტუალური გახდა Mary Jane ბალერინები, რომელიც მოდის ციკლში რეტრო სტილს აბრუნებს. მიმდინარე ზაფხულის სეზონზე ამ ფეხსაცმლის მრავალ ვარიაციას შეხვდებით, იქნება ეს განსხვავებული ტექსტურა, ნაჭერი, სიმაღლე თუ ფორმა.
როგორ დავასტაილინგოთ:
Mary Jane ბალერინებს განსაკუთრებით უხდება თეთრი წინდები, რომელიც რეტრო გავლენებს კიდევ უფრო აძლიერებს. წინდებისა და ბალერინების კომბინაციას შეგიძლიათ შეუხამოთ მუხლამდე ქვედაბოლო ან ნებისმიერი მატერიისა და სიგრძის შორტი, რაც, ისევ და ისევ, 2024 წლისთვის დამხასიათებელ მასკულინურ-ფემინური სტილის სინთეზს შექმნის.
3. Colorful Sneakers
ეგრეთ წოდებული, „Pop of Color“ მიმდინარე წლის კიდევ ერთი წამყვანი ტრენდია და სწორედ ამ ტრენდს ემსახურება ფერადი, სპორტული ფეხსაცმლის აქტუალურობაც. ამგვარი ფეხსაცმლით თქვენ მარტივად შეძლებთ გააკეთოთ თამამი განაცხადი და ხაზი გაუსვათ თქვენს ინდივიდუალიზმს.
როგორ დავასტაილინგოთ:
ფერადი, სპორტული ფეხსაცმლის საუკეთესო მეგობარი ამ სეზონზე დიდი, პრინტიანი მაისურებია. მნიშვნელობა არ აქვს რას შეუხამებთ ამ ორის კომბინაციას. ჯინსს, კლასიკურ შარვლს, შორტს თუ ქვედაბოლოს. აღნიშნული ორი კომპონენტი ერთგვარ სენდვიჩის პრინციპს ქმნის, რითიც მთელი ლუქი ჰარმონიაში მოდის.
4. Crocs
უბრალოდ კომფორტული ფეხსაცმელიდან, რომელსაც ადამიანები მხოლოდ სახლში ან სამუშაოდ იცვამდნენ, ქროქსი 2024 წლის ერთ-ერთ მთავარ ვარკსვლავად იქცა. მისი უნიკალური დიზაინი და კომფორტულობა ზუსტად ეხმიანება თანამედროვე მოდის ფილოსოფიას, რომელიც ორ მთავარ კომპონტენტში - უნიკალურობასა და კომფორტში ითარგმნება.
როგორ დავასტაილინგოთ:
მისი ძალიან მარტივი ხასიათიდან გამომდინარე, ქროქსები ბევრ რამეს შეგიძლიათ მოუხდინოთ. ერთ-ერთი ყველაზე აქტუალური ქროქსისა და ლეოპარდის პრინტის კომბინაცია, რომელიც ყოველდღიური, უბრალო სტილისა და ელეგანტურობის განსაკუთრებულ კონტრასტს ქმნის.
5. Birkenstock
და, რა თქმა უნდა, ბოლო რამდენიმე ზაფხულის სტაბილური ვარსკვლავი - Birkenstock. ბრენდი მე-18 საუკუნიდან ქმნის კომფორტულ ფეხსაცმელს, რომელმაც დიდი გზა გამოიარა იქამდე, სანამ ქუჩის სტილის ვარსკვლავი გახდებოდა. მიუხედავად იმისა, რომ დიდი ხნის განმავლობაში ბრენდის ყველაზე პოპულარული მოდელი Arizona იყო, ბოლო ორი წლის განმავლობაში ის დახურულმა მოდელმა, Boston-მა ჩაანაცვლა, რომელიც ჯერ კიდევ ინარჩუნებს აქტუალურობას.
როგორ დავასტაილინგოთ:
Birkenstock-ის მუდმივი აქტულურობა სწორედ მის უკვდავ და უნივერსალურ დიზაინში მდგომარეობს. შესაბამისად, ეს ფეხსაცმელი თამამად შეგიძლიათ ჩაიცვათ თქვენს გარდერობში არსებულ ნებისმიერ სამოსთან ერთად.
როგორც დასაწყისში ვახსენე, ამ სეზონზე თქვენი ლუქის მთავარი და ყველაზე შესამჩნევი ელემენტი აუცილებლად ფეხსაცმელი იქნება. ამიტომ აუცილებელია ის სწორად შევარჩიოთ და დავასტაილინგოთ, რაშიც Dressup.ge-ზე არსებული მრავალფეროვანი არჩევანი აუცილებლად დაგეხმარებათ.