Dressup Home - სტილი შენი სახლისთვის

Dressup.ge ყოველთვის სტილზე ჰყვებოდა ამბებს - ტანსაცმელი, ფეხსაცმელი, აქსესუარები, ყველაფერი, რაც ადამიანს ეხმარება საკუთარი ხასიათისა და ინდივიდუალობის გადმოცემაში. მაგრამ ერთ მომენტში (საკმაოდ ლოგიკური) კითხვა გაჩნდა: თუ ჩაცმა არის თვითგამოხატვის გზა, რატომ არ შეიძლება სახლის მოწყობაც ზუსტად იგივე პროცესი იყოს? ამ შემთხვევაშიც ხომ გულდასმით და სიყვარულით არჩევ ყველა იმ ნივთს, რომლის დანახვაც ყოველდღე გინდა! სწორედ ასე გაჩნდა Dressup Home - ახალი მიმართულება, რომელიც სახლში სითბოსა და ესთეტიკას შემოიტანდა.

ჩვენთვის სახლი ზუსტად ის ადგილია, სადაც ყველაზე ბუნებრივად ვგრძნობთ თავს, სადაც ზუსტად ვიცით, ჩვენ - ჩვენ ვართ. სადაც აღარ გვჭირდება რაიმე დამატებითი როლის მორგება - ყველაფერი, რაც ოთახებშია, ჩვენზე საუბრობს: საყვარელი ფერი, ტექსტურა, სურნელი და ბევრიც პატარ-პატარა, თითქოს შეუმჩნეველი დეტალები. 

სწორედ ამიტომ და ასე შეიქმნა Dressup Home - ადგილი, რომელიც სახლის ატმოსფეროს ინდივიდუალიზმს შესძენს (ზუსტად ისე, როგორც შენ გარდერობს).