აქსესუარების ძალა: როგორ შევცვალოთ მთლიანი ლუქი რამდენიმე დეტალით

მთავარია ბალანსის პოვნა. მნიშვნელოვანია, რომ აქსესუარის ზომა და ფორმა შენს სხეულსა და სამოსის სილუეტს ერწყმოდეს. მაგალითად, ზედმეტად მოცულობითი სამკაული შეიძლება სასაცილოდ გამოჩნდეს ნატიფი აღნაგობის ადამიანი, ხოლო ისედაც მოცულობით კაბას უფრო სადა და პატარა დეტალები მოუხდება, რათა ლუქი გადატვირთული არ გამოვიდეს. პროპორციულად შერჩეული ქალის აქსესუარები სხვების მიერ ქვეცნობიერად აღიქმება როგორც დახვეწილობა და საკუთარი სტილის კარგი შეგრძნება.

ფერებთან თამაში სრულიად შენს განწყობაზეა დამოკიდებული. შეგიძლია აირჩიო მონოქრომული მიდგომა — მაგალითად, მუქი ლურჯი შარფი ღია ცისფერ ჩანთასთან — დახვეწილი მინიმალისტური ლუქისთვის. თუ უფრო მშვიდი და ბუნებრივი ეფექტი გინდა, სცადე ისეთი ფერების შეხამება, რომლებიც ფერთა პალიტრაზე გვერდიგვერდ არიან (მაგალითად, ლურჯი და მწვანე). ხოლო თუ პირიქით, ენერგიული და გამორჩეული ლუქის შექმნა გსურს, გამოიყენე კონტრასტები — მაგ. ყვითელი იასამნისფერთან.

და ბოლოს, ტექსტურები! გლუვი და უხეში ფაქტურების კონტრასტი სტილს საინტერესო და მრავალგანზომილებიანს ხდის. მაგალითად, ნაზი აბრეშუმის შარფი უხეშ ჯინსის ქურთუკთან ქმნის ვიზუალურ სიღრმეს. კარგი იდეაა, ერთ მთავარი, „სთეითმენთ“ აქსესუარის გამოყოფა, განსაკუთრებით როცა კაცის აქსესუარებზე ვსაუბრობთ, მაგ. საათი ან მასიური სამაჯური.