თქვენი კალათა
თქვენს კალათაში აღარ არის პროდუქტი
.png)
ეძებ ვალენტინობის საჩუქრებს?
საჩუქრის არჩევა ზოგჯერ იმდენად რთულია, რომ საბოლოოდ ბოლო წუთამდე ვდებთ გადაწყვეტილებას. თუმცა, იდეალური საჩუქარი ყოველთვის ის არის, რომელშიც სიყვარულიც და ყურადღებაც თანაბრადაა გამოვლენილი. ჩვენ შევეცადეთ შეგვერჩია ნივთები, რომლებიც ნამდვილად გაახარებს თქვენს საყვარელ ადამიანს და მის ყოველდღიურობას უფრო კომფორტულსა და გამორჩეულს გახდის.
FOR HER
სათვალე ყოველთვის იდეალური აქსესუარია, ის ნებისმიერ ლუქს მოუხდება. Victoria Beckham-ის სახასიათო დიზაინი ელეგანტური და თანამედროვე ელემენტებით გაჯერებულია, რაც სიდინჯეს და დახვეწილობას სძენს მფლობელს. მაღალი ხარისხის მასალები უზრუნველყოფს კომფორტულ მორგებას და დიდხანს ტარების შესაძლებლობას. ეს სათვალე იდეალური საჩუქარია მათთვის, ვინც აფასებს კლასიკას, თუმცა გული მაინც ახალი ტენდენციებისკენ უბიძგებს.
თუ საჩუქრის მთავარი იდეა უნივერსალურობაა, GIANNI CHIARINI-ის ჩანთა ნამდვილად საუკეთესო არჩევანია. მისი მინიმალისტური დიზაინი საშუალებას აძლევს, მარტივად მოერგოს როგორც ყოველდღიურ, ისე ოფიციალურ ჩაცმულობას. კომპაქტურობა და პრაქტიკული განლაგება უზრუნველყოფს, რომ ყველა საჭირო ნივთი მუდამ ხელმისაწვდომი იყოს თქვენი ქალბატონისთვის. იტალიური ხარისხი კი გარანტიას გაძლევთ, რომ ჩანთა არა მხოლოდ ლამაზი, არამედ გამძლეც იქნება და საჩუქარიც დიდ ხანს ემახსოვრება!
.png)
Tommy Hilfiger-ის თბილი მოსაცმელი
Tommy Hilfiger-ის მოსაცმელი აერთიანებს დახვეწილ დიზაინს და ფუნქციურობას, რაც მას იდეალურ ყოველდღიურ არჩევანად აქცევს. მისი ტექსტურა უზრუნველყოფს თბილ და კომფორტულ ტარებას, ხოლო ოქროსფერი დეტალები მას კლასიკურ ელეგანტურობას მატებს (და თან ხომ იცით, ზამთრის დღეებში სითბო განსაკუთრებით მნიშვნელოვანია, მაგრამ როცა ეს სითბო საყვარელი ადამიანისგან მოდის, მას სულ სხვა ფასი აქვს…).
ძილის ხარისხი ბევრ ფაქტორზეა დამოკიდებული, მათ შორის, იმაზე, რამდენად კომფორტულად ვგრძნობთ თავს. Etam-ის რბილი და სასიამოვნო ქსოვილის პიჟამა იდეალურია მათთვის, ვისთვისაც სიფაქიზე და სიმსუბუქე მნიშვნელოვანია. მისი დახვეწილი დიზაინი და კლასიკური ფერები სასიამოვნო საღამოებსა და დილის კომფორტს კიდევ უფრო გაამდიდრებს (და თან ვისზე იფიქრებს ძილის დროს?!).
.png)
FOR HIM
კარგი პულოვერი ყველა კაცს გაახარებდა. ერთგვარი უნივერსალური საჩუქარია, რადგან მისი გამოყენება ბევრ გარემოში შეიძლება და შესაბამისად ძალიან პრაქტიკულია. GANT-ის ეს მოდელი ბუნებრივი მასალისგან არის დამზადებული, რაც სუნთქვისუნარიანობას და კომფორტულობას უზრუნველყოფს. მისი მორგება იდეალურია როგორც ყოველდღიური ტარებისთვის, ასევე საღამოს სასიამოვნო გასვლებისთვის. ელეგანტური და ფუნქციური დიზაინი მას მრავალმხრივ გამოყენებად ნივთად აქცევს.
Calvin Klein-ის პერანგი (Overshirt)
Overshirt-ები ბოლო წლებში განსაკუთრებით პოპულარული გახდა, რადგან მათ შეუძლიათ კლასიკურ პერანგსა და მოსასხამს შორის ბალანსის დაცვა. Calvin Klein-ის მოდელი ინოვაციური ქსოვილისგანაა დამზადებული, რაც მას განსაკუთრებულ სირბილესა და გამძლეობას ანიჭებს. მისი თავისუფალი მორგება ქმნის კომფორტულ, მაგრამ სერიოზულ იერს, რაც მას იდეალურ არჩევანად აქცევს როგორც ოფისისთვის, ისე არაფორმალური შეხვედრებისთვის (თქვენი რჩეულის განწყობასაც ცოტათი უფრო გააუმჯობესებს და თავდაჯერებულს გახდის!)
ჰალსტუხი კლასიკური სტილის მოყვარული მამაკაცის გარდერობის აუცილებელი ელემენტია. GANT-ის პოლკა-წერტილების სტილის აბრეშუმის ჰალსტუხი მის ჩაცმულობას კლასიკურ ელეგანტურობასა და დახვეწილობას შემატებს. მისი ხარისხიანი მასალა უზრუნველყოფს, რომ ჰალსტუხი იდეალურად იკვრებოდეს და დიდხანს შეინარჩუნოს ფორმა. ეს შესანიშნავი საჩუქარია მათთვის, ვისაც სურს თავიანთი ფორმალური სტილი მეტად დახვეწილი და გამორჩეული გახადონ.
ქუდი საკმაოდ პრაქტიკული საჩუქარია, რომელიც ნებისმიერ მამაკაცს თითქმის ყველა სიტუაციაში გამოადგება. Lee-ის “workwear” სტილის მოდელი გამორჩეულია თავისი სიმყუდროვითა და მრავალფუნქციურობით. ის იდეალურია როგორც ქალაქში გასასვლელად, ისე ბუნებაში მოგზაურობისთვის. ამასთან, მისი ნეიტრალური ფერები საშუალებას იძლევა მარტივად შეუხამო ნებისმიერ სამოსს (და თან როდესაც სახლიდან გავა ყოველთვის გაახსენდება, ვინ შეურჩია ის. პატარა, მაგრამ საჭირო დეტალია, რომელიც ნებისმიერ ამინდში შენს ყურადღებას და სითბოს გაუხსენებს).
თუ ამ ბლოგში ვერაფერი ვერ შეარჩიე, ჩვენთან გამოსავალი ყოველთვის არსებობს. აჩუქე საყვარელ ადამიანს Dressup-ის სასაჩუქრე ბარათი, რომელიც წარუშლელ შთაბეჭდილებას დატოვებს.
თვითონ უკეთ იცის - უნიკალური ბარათი შეგიძლია მრავალჯერადად 80-ზე მეტ მაღაზიაში გამოიყენო: თბილისში, ბათუმში, რუსთავსა და ზუგდიდში.
მაგრამ გახსოვდეთ! არ აქვს მნიშვნელობა, დიდია თუ პატარა საჩუქარი – მთავარია, რომ ის გულით იყოს შერჩეული.
© ნიკა "ვარდო" ვარდიაშვილი